Gaur, aste honetan zehar eginikoari buruz hitz egingo dizuet. Hasteko, portafolioan zentratu gara, eta irakasleak, bertan klaseko pertsonen aurpegiak ateratzen diren argazkiak ez igotzeko eskatu digu; ekintzak soilik argitaratu behar direla azalduz. Errespetuz eta begirunez jokatu behar dugula gogorarazi digu, era logiko batean erabili behar dugula portafolioa, alegia.
Bestalde, portafolioaren gaia alde batera utziz, tertulia dialogikoan murgildu gara; aurreko astean irakurtzen hasi ginen gaztelerazko artikuluarekin jarraitu baitugu. Irakasleak, tertulia dialogikoa dela bere ustez modurik onena edota egokiena artikuluak aztertu ahal izateko aipatu digu, eta ni ere honetan ados nago. Izan ere, guztion hausnarketa, ideien jarioa, eta ideia amankomunak azaltzea du helburu nagusi.
Hala ere, esan beharra dago, ez dugula era berean jorratu guztiok aipatu berri dudan gaztelerazko artikulua. Izan ere, batzuk tertulia dialogiko moduan landu genuen arren, beste batzuk zatika banatuta, taldeka, jorratu baitzuten. Ondorioz, klase teorikoan, ikasle guztiok geudelarik, artikulua zatika banatuta zutenak irakurri dute eginikoa. Paragrafoka interesgarria iruditu zaiena azalduz, hausnarketa moduan.
Artikulua alde batera utzita, didaktikaren erronka zein den jakitean zentratu gara. Konpetentziak, metodologia, helburuak... zer diren jakitea dela didaktikaren erronka ondorioztatu dugu. Kontzeptu konplexu horien esanahia zein den jakitea, alegia. Honez gain, curriculumean agertzen diren elementuak jakitea ere oso garrantzitsua dela aipatu dugu, eta baita testuingurua kontuan hartzea ere.
Curriculumean barneratuz, esan beharra dago, curriculumak bi zehaztapen maila dituela. Batetik, hezkuntza proiektua (ikastetxean egiten dena) eta curriculuma "Heziberri" (Eusko Jaurlaritzak egiten duena). Hirugarren zehaztapen bat ere badugu, unitate didaktikoa (irakasleak egiten duena). Laugarren zehaztapena berriz, programazioa izango litzateke.
Programazioan murgilduz, unitate didaktikotik apartatu ahal izateko edota unitate didaktiko baten eta programazioaren arteko ezberdintasuna azaldu ahal izateko, esan beharra dago, urteko programazio batean unitate didaktiko ezberdinak sartzen direla. Esate baterako, oposaketetan, unitate didaktiko baten defentsa egin behar da edo eginohi da behintzat, tribunal baten aurrean.
Proiektuen eta unitate didaktikoen ezaugarriak eta ezberdintasunak azaltzen dituen artkulu bat irakurri dugu. Bertan kontzeptu, ezaugarri eta ezberdintasun garrantzitsuenak azpimarratu ditugu. Honez gain, irakasleak proiektu baten barnean sartzen ez diren baina hala eta guztiz ere burutu ahal diren ekintzak azaldu dizkigu. Gainera, unitate didaktikoa ere aztertu dugu.
Amaitzeko, "Ezin duzu liburu honen irakurketa galdu!" ariketa egin dugu. Ariketa hau egin ahal izateko, irakasleak liburu batzuk 3-4 liburu banatu dizkigu taldeka. Liburu bakoitzari 3 argazki atera dizkiogu, azalari, autorearen izenari, gustatu zaigun esaldi bati... Ondoren, liburutik interesgarrien edota gehien gustatu zaigun zatiari argazki bat atera eta idatziz entregatu dugu. Nire taldeari egokitu zaizkion lau liburuak honako hauek dira: "La educación infantil de 0 a 3 años", "Educar en el 0-3 (La práctica reflexiva en los nidi d`infanzia), "Educar en el aula de 2 años (Una propuesta metodológica), eta " La escolarización antes de los 3 años". Behean dituzue eskuragarri liburuen azalaren eta hainbat pasarteren argazkiak!
Hausnarketa:
Oso modu egokia, interesgarria eta praktikoa iruditu zait tertulia dialogikoa erabiltzea gaztelerazko artikulua jorratzeko. Izan ere, modu honetan guztion parte hartzea bultzatzen da, eta hori oso interesgarria iruditzen zait, guztiok geure iritzia partekatzeko aukera ematen baitu, eta aldi berean debate moduko bat sustatzeko aukera. Honez gain, nire ustez askoz modu dinamiko eta praktikoagoa da, ez da horren astuna egiten saioa, eta ezta horren zaila arreta jartzea eta mantentzea. Tertuliaz aparte, interesgarria, beharrezkoa eta baliagarria iruditu zaidana, proiektu baten eta unitate didaktiko baten arteko ezberdintasuna azaltzea izan da. Izan ere, askotan ez ditugu bereizten edota ez dakigu nola bereizi. Amaitzeko, "Ezin duzu liburu honen irakurketa galdu!" ariketa oso ariketa dinamikoa, praktikoa eta interesgarria iruditu zait. Oso gustora jardun gara taldekide guztiok liburuak aztertzen, irakurtzen, eta esaldi interesgarriak aurkitzen. Benetan, merezi du lehen aipatutako liburuak irakurtzeak!
Gehigarria:
Jesús A. Cervantes Villegas, (2009). Como fomentar el hábito de la lectura y la comprensión lectora. Webgune honetatik berreskuratua:
Gaur, aste honetan zehar eginikoari buruz hitz egingo dizuet. Hasteko, lan modularreko II.fasean erabili dezakegun taula bat banatu digu, didaktikaren ikuspegitik eginiko taula bat. Taula hau, irakasleak erakutsi edota eman digun 3.taula da, nahiz eta hau paperean banatu duen eta beste biak ordenagailuz erakutsi dizkigun.
Irakasgaiko faltei buruz ere aritu gara hizketan; asistentziari buruz, alegia. Presentzialtasunaz eta ez-presentzialtasunaz; faltek notan izango duten eraginaz, 4-5 falta izanez gero nota jeitsi daitekeela aipatuz; ere jardun gara hizketan. Bestalde, irakasleak portafolioa azterketarik egin gabe irakasgaia ebaluatzeko tresna interesgarria delakoan dagoela azaldu digu.
Lehen aipatutakoaz gain, aste honetan, aurreko astean irakasgaian eginikoa edota ikusirikoa laburtu dugu guztion artean. Batez ere, portafolioan zentratu gara, portafolioko linka nola igo ongi eGelara zehaztuz. Portafolio pribatua egin dutenentzat, helbide elektroniko pribatua ere eman du.
Portafolioan gehiago barneratuz, nola erabiltzen den erakutsi digu; hala nola, etiketak nola egin, estekak nola jarri, youtubeko bideoak nola txertatu, argazkian nola txertatu... erakutsi digu. Portafolioa edota bloga nola editatu, alegia.
Portafolioa alde batera utzita, hasieran aipatutako taula, lan modularreko taldeetan banatu duena, azaldu digu gainetik apur bat, eta gazteleraz idatzitako artikulu bat ere banatu digu segidan. Nahiz eta banatutako egunean ez zigun denborarik eman artikulua gelan lantzeko, urrengo klasean irakurri genuen, eta hausnarketa sakon bat egin artikuluaren inguruan.
Heziberriri dagokionez, esan beharra dut, Iratxek ( psikologiako irakasleak ) heziberriri buruz berak eginiko dokumentu bat partekatu digula esan digula irakasleak, heziberriren laburpen moduko bat. Heziberriri buruz hitz egiten amaitu, eta datozen egunetan egin beharreko lana azaldu digu. Ostiralerako irakurri behar dugula esan digu, ostiralean landu ahal izateko, unitate didaktiko bat nola egin irakatsiko baitigu. "Zer da planifikatzea hezkuntzan?" galderari erantzun bat emanez.
Lehen aipatu dudan gazteleraz idatziriko artikulua irakurtzean, artikuluaren arabera "zer hartu behar dugu kontuan programatzeko?" galderari erantzuna bilatzea genuen helburu. Gainera, artikulu hau irakurtzean, curriculumak (legeak) zer esaten duen argitu dugu artikuluaren laguntzaz, eta baita metodologia eta helburuak zertarako erabiltzen diren ere. Hala ere, artikulua irakurri baino lehen, ohar garrantzitsu bat eman diigu irakasleak, Lehen Hezkuntzaz hitz egiten du artikuluak, gaitasunak, heluruak, metodologia... ulertzeko. Lehen Hezkuntzan eta Haur Hezkuntzan ezberdinak dira hainbat gaitasun, helburu...Hori dela eta, nahiz eta oso lagungarria den hainbat kontzeptu ulertzeko eta argitzeko, ez da "Biblia"; Beraz, gauza edota aspektu batzuetan, agian ez gaude artikuluarekin ados.
Aste honetan, Nekane Otsoaren elkarrizketa bat ere ikusi dugu. Elkarrizketa, hainbat galderaren erantzuna bilatzeko asmoz ikusi dugu, komunikazio lan baten aurkezpena egin zueneko 45minutuko bideo bat ikusi dugu, non Haur Hezkuntzan eta Lehen Hezkuntzan zentratzen den. Nekane Otsoak, esperientzia handia du lan proiektuetan, lan proiektu oedagogikoetan, batez ere. Arangorriako eskola txiki batetik datorrela aipatzen du elkarrizketan; 2urteko gelatik, 6.mailara bitarteko haurrekin egiten dute lan bertan. 3 eskolen arteko informazio berrikuntza azaltzeko asmoz burutu du elkarrizketa. Proiektuen bidez, bereziki nola lantzen duten hizkuntza arloa aipatu du. Printzipio edota oinarriak berdinak direla aipatu du, bai Haur Hezkuntzan, bai Lehen Hezkuntzan, bien artean koherentzia bat mantentzea beharrezkoa baita.
Proiektuak ikasleak, umeak... mundua ulertzea, besteak ulertzea (besteen lekuan jartzea), errealitatea ulertzea, errealitatea ikustea, eta errealitatea jakitea du helburu. Izan ere, haurrek galdera asko dituzte, eta egin ohi dituzte, mundua ezagutu nahi dutelako. Proiektuen bidez, gogo hauek garatzen dituztela azaldu du Nekanek. Proiektuak, kontestu jakin baten barnean egiten dituztela jarduerak ziurtatzen duela aipatzen du, jarduera hauen funtzionaltasuna kontuan hartuz. Umeak polifonikoak direla azaltzen du, gutxitan agertzen baitira ideia berak, anitzak direlako umeak, ahots ezberdina dute; Beraz, guztiei entzun behar zaie, guztien ideiak hartu behar dira kontuan. Aniztasuna oso garrantzitsua da, guztiek komunitate bat osatzen dute. Hori dela eta, guztien arteko interakzioak egon eta aztertu behar direla azaltzen du Nekanek.
Proiektu baten garapenaren helburuak beraz, horiek izango lirateke. Idazten eta irakurtzen proiektuaren barruan, testuak funtsezkoak dira. Komunikatzeko balio duen edozer komunikaziotzat hartzen dela aipatzen du. Testuak, guk pentsatzen, egiten eta dakiguna islatzeko erabiltzen dituztela azaldu du. Ulermena ziurtatzeko, ezagutzak martxan jarri behar direla ere azaldu du. Testua ulertzea prozesu luzea da, irakurtzeaz gain, matematikarekin zerikusia duten ezaugarriak beharrezkoak baitira. Oso garrantzitsua dela nola esan testua ere argitu du elkarrizketan, azaldu nahi dena ondo ulertzeko beharrezkoa dela esanez. Honen guztiaren helburua, ekoizpena eta interpretazioa dela ere aipatu du. Ume bakitzaren ezagutza mailaren arabera, testu ezberdinak ekoitzi/ interpretatu. Batzuetan, ume bakoitzak sentituko duela testu bat ekoizteko beharra ere azaldu du, eta horretan zentratu behar garela aipatu du, ez irakasleak proposatutakoan. Adb: Unibertsoa eta planeten lanak egitean, esan du, haurrak izan zirela , ea zergatik ez zuten bakoitzak bere liburuxka bat sortuko etxera eraman ahal izateko, galdetu zutenak.
Hori dela eta, aipatu du, haurrek hainbat modu ezberdin dituztela lanak egiteko edota gauzatzeko. Batetik, irakasleekin bat etorri eta lanak modu ezberdin batean burutzea. Bestetik berriz, Irakasleak haurren ideiak kontuan hartzea, komunikazioa hobeto lantzeko, komunikazioa ona eta ulerkorra izan dadin, alegia.
Bakoitzak modu ezberdina duela gauzak argitzeko ere azaldu du. Batzuk, detaileeta gehiago zentratzen dira, beste batzuk aldiz, modu sinpleago batean egiten dituzte lanak. Bakoitzak inportantzia maila ezberdina ematen dio gauza, kontzeptu edota gai bati. Gure modulu taldean mapa mentala taldeka egiterakoan bezala, adibidez. Bakoitzak inportantzia maila ezberdina ematen zion informazio berari aurreko astean.
Testuak, irakurtzeko soilik ez direla ere azaldu du Nekanek, ahozko komunikazioan gauzak azaltzeko ere balio dutela esanez.
Eskolako txikienak irakurtzen eta idazten proiektuari buruzko Nekane Otsoaren elkarrizketa:
Nekane Otsoaren elkarrizketa alde batera utzita, esan beharra dut, lan modularreko materialaren azterketa gauzatzeko beste modu bat ere azaldu digula irakasleak aste honetan. Didaktika orokorreko taula azalduz. Taula honetan, prozedura eta metodologia agertzen dira, "irakasleen paperean", eta "ikasleen paperean" oinarrituz. Jardueraren deskribapena ere agertzen da taulan, nola eraiki ekintza, irakaslearen rola, ikasleen rola edota eginbeharra... hau, "eraikitako ezagutzan" kokatzen dugu.
Taula hau, banatu zigun egunean aipatu bezala, aurreko curriculumaren arabera egina da, beraz nahiz eta eredutzat erabili dezakegun, ez digu zehazki balio, ez baitago heziberriren arabera egina. Gaitasunei deitzeko modu ezberdina dute, oinarrizko gaitasunak, zeharkako gaitasunak eta gaitasun espezifikoak daude orain heziberrin.
Taulaz aparte, didaktikako irizpideak azaldu dizkigu, taula bat egin behar dugula azaldu digu, eta ondoren taulan jarritakoa hitzez azaldu. Taula, eranskinetan jarri beharko dugu, idatzirikoa berriz, lanean.
Gaitasunak zer diren ere argitu dugu aste honetan. Gaitasunak, pertsonak garatu behar dituztenak dira, helburu bat lortu ahal izateko. Helburuak, kanpotik zehazten dira, gaitasunak aldiz, "baditugu", barnekoa da beraz. Adb: oinez ibiltzeko gaitasuna denok dugu, gero landu dezakegu, ala ez.
Honetaz aparte, gazteleraz idatzitako beste artikulu bat hasi gara irakurtzen guztion artean, ozen. Konpetentziei buruz hitz egiten du. Ekintzak, metodologiako aldaketak, gaitasunak eta kontuan hartu beharreko elementuez ere hitz egiten digu artikuluak. Curriculuma desarroilatu behar dela ere aipatzen du, irakasleak curriculuma aplikatu eta zehaztu behar du globalidade ( curriculum orokor ) batetik, bere testuingurura ( bere ikasgelara ), erabakitzen duen metodologia baten bitartez.
Artikulua irakurtzen joan ahala, bakoitzak orriz-orri destakatu duena azaldu edota esan du guztientzat, tertulia moduko bat osatu dugu, bakoitzak bere ideiak azalduz.
Amaitzeko, proiektu bidezko programazioa eta unitate didaktiko bidezko programazioaren arteko desberdinketa ere saiatu gara argitzen aste honetan.
Didaktika orokorreko materalen taula:
Jarraian txertatu dizuedan hiperbinkuluan klikatuta, gazteleraz idatzirik dagoen unitate didaktikoko artikulua topatuko duzue: Unitate Didaktikoa
Hausnarketa:
Oso interesgarria eta baiagarria iruditu zait irakasleak eskaini digun informazio guztia aste honetan zehar. Izan ere, ebaluazioaren irizpideetan zentratu gara, eta baita portafolioaren erabilpenean ere. Portafolioaren erabilpenean zentratzea naiz eta nire kasuan "beharrezkoa" ez den izan, portafolioaren erabilera lehendik ezagutzen nuelako, hala ere interesgarria eta egokia iruditu zait badaezpada ere ikaskide guztioi portafolioan zentraturiko saio bat antolatzea, zailtasunak izanez gero, edota laguntza edota zalantzaren bat argit nahi izanez gero, baliagarria iruditu baitzait. Gainera, nahiz eta izatez "behar" handirik ez nuen, ongi etorri zait memoria apur bat freskatzeko, eta nire portafoliorako ideia berriak hartzeko. Bestalde, gaztelerazko artikulua nahiz eta zaila egin zaidan ulertzea, nire ustez era konplexuan idatzia baita, irakaslearen azalpenekin ulerterrazagoa egin zait, eta erabilgarria iruditu zait gaiarekiko sarrera moduan erabiltzeko. Hau guztiaz gain, esan beharra dut, Nekane Otsoaren "eskolako txikienak irakurtzen eta idazten proiektua" eta elkarrizketa oso interesgarria iruditu zaidala. Proiektuak ikasleak, umeak... mundua ulertzea, besteak ulertzea (besteen lekuan jartzea), errealitatea ulertzea, errealitatea ikustea, eta errealitatea jakitea baitu helburu, lehen azaldu bezala.
Gaur, aste honetan zehar eginikoari buruz hitz egingo dizuet. Hasteko, esan beharra dut Heziberriren proiektuan zentratu garela nagusiki; Heziberriren 3.proiektu garrantzitsua azaldu baitigu irakasleak. 3.proiektu garrantzitsu hau, hezkuntza lege berri bat martxan jartzean Euskal Autonomia Erkidegoan datza. Proiektu hau azaldu ostean, dekretua ulertzeko zailtasunak izan ditugun ala ez galdetu digu, eta baita dekretua erabiltzeko gai izango ote ginatekeen ala ez ere, beste hainbat galderen artean. Galdera hauen ondoren, heziberri ulertzeko zerbait bisualagoa ( mapa kontzeptualak, eskemak, laburpenak...) guk sortu edota egin behar dugula azaldu digu, AUTONOMIA eskatu digu, alegia. Izan ere, "autonomia" hitza askotan erabiltzen dugu haurrekin," jadanik handia zara, beraz hori, bakarrik egiteko gai zara"... horrelako esaldiak erabili hoi ditugu. Autonomia eskatzen diegu eurei, baina guk autonomia hori aplikatzen dugu? Egia esan, askotan ez. Beraz, une aparta bilakatu zen hainbeste gustoko dugun hitz hori, "autonomia", lantzeko.
Segidan, orri zuri bat banatu, eta mapa kontzeptual bat egiteko eskatu digu, zehazki esanda, heziberriren bigarren zatiarena; lehenengo zatiaren mapa kontzeptuala lehenengo astean egin baikenuen behean ikus dezakezuen moduan. Aurreko astean, heziberriri dagokion lehenengo zatiko mapa kontzeptuala, banaka burutu genuen; oraingo honetan aldiz, taldeka egin dugu, moduluko taldeak errespetatuz. Aipatu beharra dago, taldeko kide bakoitzak mapa kontzeptualak egiteko era edota modu ezberdinak dituela. Beraz, hasieran elkarrekin nola egin adosteko, bakoitzak bere iritzia, eta mapa kontzeptualak egiteko modua azaldu du, nire taldean behintzat. Nahiz eta bakoitzak modu ezberdinetan egiteko ohitura duen mapa kontzeptualak, adostasun batera iritsi, eta guztion artean burutu dugu mapa; elkarlana nagusitu da. Hori dela eta, esan genezake, nahiz eta gauza ( lan, mapa kontzeptual, laburpen...) bat egiteko modu edota era ezberdinak eduki bakoitzak, taldean oso ongi moldatzen garela elkarlanean, guztion iritziak kontuan hartuz eta errespetatuz. Heziberri lantzeaz gain, taldeka mapa kontzeptual hau eginez, elkarlana ere sustatu dugu.
Mapa kontzeptualarekin amaitzean, mapari argazkia ateratzeko eskatu digu irakasleak, bigarren aste honetan eginikoari buruz idazterakoan, argazkia blogera igo ahal izateko. Hemen duzue heziberriren bigarren zatiari buruz nire taldeak burutu duen mapa kontzeptuala:
Hezbiberriren mapa kontzeptuala alde batera utzita, aste honetan, moduluko taldeen tutorea nor izango den ere azaldu digu irakasleak. PDF bat ireki, eta bertan taula batean zeuden kokatuak moduluko taldeak, euren izenak, eta baita talde bakoitzari esleitutako tutorearen izena ere. Nire modulu taldea, "hezkuntza josten", Iratxeren totoretzapean geratu da.
Modulu lanari begira, zein den egin beharra, eta zehazki didaktikan zertan zentratuko den azaldu digu.
Modulu lanari buruz hitze egiten, eta zalantzak argitzen amaitzean, K2 Moduluko Diziplinarteko Lanerako Ikasleen gidaren mapa kontzeptuala egiteko eskatu digu, oraingo honetan ere moduluko taldeetan banatuta, heziberriren bigarren zatiaren mapa kontzeptuala egiterakoan bezala.
Honako hau izan da nire taldeak burutu duen mapa kontzeptuala:
Mapa kontzeptualak alde batera utziz, esan beharra dut moduluko lanean asko murgildu garela aste honetan. Azaldu digun gauza garrantzitsuenetako bat, Curriculuma modulu lanarekin nola erlazionatu izan da. Metodologia, gaitasunak, helburuak, konpetentziak ( zeharkakoak eta espezifikoak ) aipatuz. Gainera, aurreko urteko ikasle batek eginiko taula bat erakutsi digu, Curriculuma modulu lanarekin errazago erlazionatzeko sortu edota egin zuen materialarekin erlazionatutako taula bat. Taula honen arazoa, guri plantilla moduan ez digula balio da. Izan ere, gu ikusten ari garen dekretua, 2016koa da, eta ez 2009koa. Hala eta guztiz ere, erreferentzia moduan edota adibide gisa erabili dezakegu.
Metodologia zer den eta zertan oinarritzen den ere azaldu digu, labur, sinple, eta guztiok ulertzeko moduan esanda, " zerbait zehatza helburu batekin ". Segidan, metodologia pedagogiarekin alderatu dugu, pedagogia, hezkuntza aztertzen duen zientzia dela aipatuz.
Materialaren erabileraren inguruko lehen aipatutako taularekin, K2 moduluko II.fasea nola burutu azaldu digu; zehazki, materialaren azterketa nola egin moduluko lanaren ( Curriculumaren ) inguruan azaldu digu. Ia gehienok K2 moduluko materiala aztertzearen helburua zein den ulertzen ez genuenez, zertarako balioko digun errealitatean, bizitzan zehar, erlazionatzeko zailtasunak izan ditugunez, K2 moduluan zein den materiala aztertzeko helburua azaldu digu, adibide batzuk emanez. Esate baterako, jarritako adibideetako bat honako hau izan da: profesional paperean jarriz, gure ikasgelan lantzeko materialen aukeraketa egin behar da. Material aukeraketa hau, haurrek garapen mota ezberdinak lantzeko materialak aukeratzean datza; landu nahi den garapenaren arabera, material bat edo bestea aukeratuko da. Baina, jakina, hau guztia Curriculumak aipatzen edota eskatzen duenaren araberakoa izango da.
Irakasle batek irakaskuntza prozesu bat sortu edota burutu nahi duenean, honako eduki hauek izan behar ditu kontuan, orden hau jarraituz: helburuak, gaitasunak ( konpetentziak ), edukiak, metodologia, eta azkenik, ebaluazioa. Edukiez aparte, honako hau izan behar da kontuan: testuingurua. Izan ere, ez da berdina irakaskuntza unibertsitatean ala haur eskola batean egin, eskola publiko edo pribatuan, maila ekonomiko altuko ala baxuko eskoletan...
Laburbilduz, errealitatean edo praktikan gertatzen den hori interpretatzea izango du K2 moduluak helburu.
Hausnarketa:
Oso garrantzitsua eta erabilgarria iruditu zait aste honetan irakasleak lantzea edota jorratzea erabaki duen materiala. Izan ere, Heziberri erabiltzen ikasteko eta zuzenean gaian barneratzeko aurkikuntzazko irakaskuntza metodoa erabiltzea egokia iruditu zait. Autonomia lantzea oso beharrezkoa iruditzen bait zait. Gainera, modu honetan, bakarkako (hasieran) eta taldeko (ondoren) esperimentazioaren bitartez, sormena eta logika erabiliz, modu dinamiko eta produktibo batean gauzatu dugu autonomia, mapa kontzeptualak eginez. Taldekako lan honek, taldelana eta elkarlana sustatzea lortu du taldekide guztien artean. Modu honetan beraz, elkarlanean jarduteko erronkari aurre egitea genuen helburu, eta nire taldean behintzat lortu dugu helburu hau.
